നിങ്ങൾക്കും ശനിദോഷമുണ്ടോ? ഈ രാശിക്കാർ സൂക്ഷിക്കുക! അറിയാം ദോഷപരിഹാരങ്ങൾ

ശനിദേവനെക്കുറിച്ച് കേൾക്കുമ്പോൾ തന്നെ പലർക്കും പേടിയാണ്. എന്നാൽ ശനി കർമ്മഫലദാതാവാണ്. നിങ്ങൾ ചെയ്യുന്ന പ്രവൃത്തികളുടെ ഫലം നല്ലതായാലും ചീത്തയായാലും അത് നൽകുന്നത് ശനി ഭഗവാനാണ്. ശനി നിങ്ങളുടെ ജാതകത്തിൽ അനുകൂല സ്ഥാനത്താണെങ്കിൽ ജീവിതത്തിൽ വലിയ ഉയരങ്ങളിൽ എത്താനാകും. എളിമ, വിനയം, സത്യസന്ധത, അനുസരണ എന്നിവയെല്ലാം ശനിക്ക് ഇഷ്ടപ്പെട്ട ഗുണങ്ങളാണ്. ഈ ഗുണങ്ങൾ പിൻതുടരുന്നതിലൂടെ ശനിദോഷത്തിന്റെ കാഠിന്യം കുറയ്ക്കാൻ സാധിക്കും. ശനിദോഷ പരിഹാരങ്ങളിൽ ഏറ്റവും ഉത്തമം ശിവാർച്ചനയാണെന്ന് ജ്യോതിഷം പറയുന്നു. നിലവിൽ ശനിദോഷം അനുഭവിക്കുന്ന ചില രാശിക്കാരും അതിനുള്ള പരിഹാരങ്ങളും താഴെക്കൊടുക്കുന്നു.

മേടം (Aries)

ശനി സംക്രമം മേടം രാശിക്കാർക്ക് പ്രതികൂല ഫലങ്ങളാണ് നൽകുന്നത്. അപ്രതീക്ഷിത രോഗങ്ങൾ പിടിപെടാൻ സാധ്യതയുണ്ട്. അതിനാൽ ആരോഗ്യ കാര്യങ്ങളിൽ കൂടുതൽ ശ്രദ്ധ നൽകുക. ചികിത്സാ ചെലവുകൾ വർദ്ധിക്കാൻ സാധ്യതയുണ്ട്. തൊഴിലിടങ്ങളിൽ അമിത ജോലിഭാരം, മാനസിക സമ്മർദ്ദം, അനാവശ്യ ചെലവുകൾ എന്നിവ ഉണ്ടാകും. സാമ്പത്തിക കാര്യങ്ങളിൽ നഷ്ടങ്ങൾ വരാൻ സാധ്യതയുണ്ട്. പല കാര്യങ്ങൾക്കും തടസ്സങ്ങൾ നേരിടേണ്ടി വരും. ഈ ദോഷഫലങ്ങൾ കുറയ്ക്കാൻ ശനി ഭഗവാനെ പ്രദക്ഷിണം വയ്ക്കുന്നതും ശിവനെ ഭജിക്കുന്നതും നല്ലതാണ്. എല്ലാ ശനിയാഴ്ചകളിലും എള്ള് വിളക്ക് കത്തിക്കുന്നതും നല്ല ഫലം നൽകും.

മിഥുനം (Gemini)

മിഥുനം രാശിയിൽ ശനിയുടെ സഞ്ചാരം തൊഴിൽ മേഖലയിൽ വെല്ലുവിളികൾ ഉണ്ടാക്കും. സ്ഥാനക്കയറ്റം ലഭിക്കുന്നതിന് പകരം താഴ്ന്ന തസ്തികകളിലേക്ക് മാറാൻ സാധ്യതയുണ്ട്. ഇഷ്ടപ്പെടാത്ത സ്ഥലങ്ങളിലേക്ക് സ്ഥലംമാറ്റം ലഭിക്കാം. പുതിയ ജോലികൾ ലഭിക്കുന്നതിനും ബിസിനസ്സ് വിപുലീകരിക്കുന്നതിനും കൂടുതൽ പ്രയാസങ്ങൾ നേരിടേണ്ടി വരും. തൊഴിൽപരമായ കാര്യങ്ങളിൽ വലിയ നിരാശകൾക്ക് സാധ്യതയുണ്ട്. ഈ ദോഷഫലങ്ങൾ കുറയ്ക്കാൻ പതിവായി ശിവക്ഷേത്രം സന്ദർശിച്ച് ശിവാർച്ചന നടത്തുന്നത് ഉത്തമമാണ്. കൂടാതെ, ശനിയാഴ്ചകളിൽ ഹനുമാൻ സ്വാമിയെ ഭജിക്കുന്നതും നല്ലതാണ്.

ചിങ്ങം (Leo)

ചിങ്ങം രാശിക്കാർക്ക് ഇപ്പോൾ ‘അഷ്ടമ ശനി’ ദോഷമാണ്. ഇതിന്റെ ഫലമായി ജോലിയിലും ജീവിതത്തിലും കഠിനാധ്വാനം ആവശ്യമായി വരും. കാര്യങ്ങൾ തീരുമാനിച്ച സമയത്ത് നടപ്പാക്കാൻ ബുദ്ധിമുട്ടുകൾ നേരിടും. ആരോഗ്യ പ്രശ്നങ്ങൾ ഉണ്ടാകാൻ സാധ്യതയുണ്ട്. സാമ്പത്തികമായും വ്യക്തിപരമായും പല പ്രശ്നങ്ങളും നേരിടേണ്ടി വരും. ലഭിക്കേണ്ട പണം കൃത്യസമയത്ത് കൈകളിൽ എത്താതെ വരും. കടം കൊടുത്തവരിൽ നിന്ന് മാനസിക സമ്മർദ്ദം അനുഭവിക്കേണ്ടി വരാം. തൊഴിൽ, ബിസിനസ്സ് തുടങ്ങിയ മേഖലകളിൽ താല്പര്യക്കുറവും അതൃപ്തിയും ഉണ്ടാകും. ഈ ദോഷം കുറയ്ക്കാൻ ശിവാർച്ചന നടത്തുന്നതിനോടൊപ്പം എള്ള്, തിന തുടങ്ങിയവ ദാനം ചെയ്യുന്നത് നല്ലതാണ്.

ശേഷം അടുത്ത പേജിൽ → (Page 2)