ഈ വർഷത്തെ അവസാന ചന്ദ്രഗ്രഹണം: ‘ബ്ലഡ് മൂൺ’ വരുമ്പോൾ കരുതിയിരിക്കേണ്ട രാശിക്കാർ; ദോഷഫലങ്ങളിൽ നിന്ന് രക്ഷ നേടാൻ വഴികളുണ്ട്
കർക്കിടകം (Cancer) സാധാരണയായി ദോഷഫലങ്ങൾ കുറവാണെങ്കിലും ഈ ഗ്രഹണം കർക്കിടകം രാശിക്കാർക്ക് ചില പ്രതിസന്ധികൾ സൃഷ്ടിച്ചേക്കാം. ഭൂമി വിൽപ്പനയിൽ വലിയ സാമ്പത്തിക നഷ്ടം സംഭവിക്കാം. മാതാപിതാക്കളുടെ ആരോഗ്യത്തെക്കുറിച്ച് ആശങ്കകൾ വർദ്ധിക്കും. സാമ്പത്തിക നില കൂടുതൽ മോശമാകാതിരിക്കാൻ ശ്രദ്ധിക്കുക.
ചിങ്ങം (Leo) ഗ്രഹണദോഷം ഏറ്റവും കൂടുതൽ ബാധിക്കാൻ സാധ്യതയുള്ള രാശികളിൽ ഒന്നാണ് ചിങ്ങം. ആസൂത്രണം ചെയ്ത കാര്യങ്ങൾ പോലും നടപ്പാക്കാൻ സാധിക്കാതെ വരാം. ധനലാഭത്തിന് പകരം നഷ്ടം സംഭവിക്കാൻ സാധ്യതയുണ്ട്. പ്രണയബന്ധങ്ങളിലെ പ്രശ്നങ്ങൾ കുടുംബത്തെ വരെ ബാധിക്കുന്ന അവസ്ഥയിലേക്ക് എത്താം.
കന്നി (Virgo) കന്നി രാശിക്കാർക്ക് ഈ ഗ്രഹണസമയം ആരോഗ്യപരമായ കാര്യങ്ങളിൽ കൂടുതൽ ശ്രദ്ധ നൽകേണ്ടിവരും. കുടുംബത്തിൽ സന്തോഷവും സമാധാനവും നഷ്ടപ്പെടാം. രാഷ്ട്രീയത്തിൽ തിരിച്ചടികൾ സംഭവിക്കാൻ സാധ്യതയുണ്ട്. വാഹനമുപയോഗിക്കുമ്പോൾ അതീവ ശ്രദ്ധ പുലർത്തുക. സാമ്പത്തിക കാര്യങ്ങളിൽ ജാഗ്രത പാലിച്ചില്ലെങ്കിൽ വലിയ നഷ്ടങ്ങൾ നേരിടേണ്ടി വന്നേക്കാം.
തുലാം (Libra) തുലാം രാശിക്കാർക്കും ഗ്രഹണദോഷം കഠിനമായി ബാധിക്കാൻ സാധ്യതയുണ്ട്. വരുമാനം നിലയ്ക്കുന്ന അവസ്ഥ പോലും ഉണ്ടാകാം. ദൂരയാത്രകൾ ഒഴിവാക്കുക. വളർത്തുമൃഗങ്ങളെ പരിപാലിക്കുമ്പോൾ കൂടുതൽ ശ്രദ്ധ നൽകുക. ആരോഗ്യത്തെ നിസ്സാരമായി കാണരുത്.
വൃശ്ചികം (Scorpio) വൃശ്ചികം രാശിക്കാർക്ക് നികത്താൻ കഴിയാത്ത സാമ്പത്തിക നഷ്ടങ്ങൾ സംഭവിക്കാം. ഊഹക്കച്ചവടത്തിൽ പണം മുടക്കുമ്പോൾ അതീവ ശ്രദ്ധ വേണം. ജോലിയിലെ ആശങ്കകൾ വർദ്ധിക്കും. കുടുംബബന്ധങ്ങളിൽ അസ്വാരസ്യങ്ങൾ ഉണ്ടാകാം.
