2026 ഒക്ടോബർ 19-25: ഗൾഫ് പ്രവാസികൾക്കുള്ള സമ്പൂർണ വാരഫലം
ചിങ്ങക്കൂറ് (മകം, പൂരം, ഉത്രം 1/4)
ചിങ്ങക്കൂറുകാർക്ക് ഈ ആഴ്ച പ്രവാസലോകത്ത് വലിയ നേട്ടങ്ങളും അംഗീകാരങ്ങളും തേടിയെത്തുന്നതാണ്. കുടുംബത്തിൽ ഇതുവരെ ഉണ്ടായിരുന്ന ചെറിയ തോതിലുള്ള അപസ്വരങ്ങളും പ്രശ്നങ്ങളും പൂർണ്ണമായി മാറിക്കിട്ടും. നാട്ടിലെ ഭവന നിർമ്മാണവുമായി ബന്ധപ്പെട്ട കാര്യങ്ങളിൽ പുരോഗതി ഉണ്ടാകും. സന്താനങ്ങളുടെ പഠനത്തിലെ ഉയർച്ചയും നേട്ടങ്ങളും മനസ്സിന് ഏറെ സന്തോഷം നൽകും. ഈശ്വരാനുഗ്രഹം കൂടെയുള്ളതിനാൽ മുടങ്ങിക്കിടന്ന പല കാര്യങ്ങളും അനുകൂലമായി ഭവിക്കും.വരുമാനത്തിൽ വർദ്ധനവ് ഉണ്ടാകുകയും ആത്മവിശ്വാസവും ഉത്സാഹവും ഇരട്ടിക്കുകയും ചെയ്യും.ബുദ്ധിപരമായ തീരുമാനങ്ങളിലൂടെ ബിസിനസ്സിൽ വലിയ ലാഭം കൊയ്യാനാകും.
- ഭാഗ്യദിനങ്ങൾ: ഞായർ, വ്യാഴം
- ഭാഗ്യ നിറം: സ്വർണ്ണ നിറം, ചുവപ്പ്
- ഭാഗ്യ സംഖ്യ:1, 5
കന്നിക്കൂറ് (ഉത്രം 3/4, അത്തം, ചിത്തിര 1/2)
കന്നിക്കൂറ് പ്രവാസികൾക്ക് ഈ ആഴ്ച അലസതയും ഉദാസീനതയും കാരണം പല കാര്യങ്ങളിലും കാലതാമസവും മുടക്കവും സംഭവിച്ചേക്കാം. കൂട്ടുബിസിനസ്സിൽ ഏർപ്പെട്ടിരിക്കുന്നവർ പങ്കാളികളുമായി തർക്കങ്ങൾ ഒഴിവാക്കാൻ ശ്രദ്ധിക്കുക. അശ്രദ്ധമൂലം അപ്രതീക്ഷിതമായി ധനനഷ്ടം വരാൻ സാധ്യതയുള്ളതിനാൽ പണമിടപാടുകളിൽ ജാഗ്രത പാലിക്കുക. നാട്ടിലെ ബന്ധുക്കളുടെ പെരുമാറ്റം ചിലപ്പോൾ മനസ്സിനെ അസ്വസ്ഥമാക്കിയേക്കാം. പരുഷമായ സംഭാഷണങ്ങൾ ഒഴിവാക്കുക, ഇല്ലെങ്കിൽ ഉത്തമ സുഹൃത്തുക്കളെ പോലും അകറ്റാൻ ഇടയാകും. ക്ഷമയോടെയും പ്രാർത്ഥനയോടെയും ഈ ആഴ്ചയിലെ പ്രതിസന്ധികളെ നേരിടുക.
- ഭാഗ്യദിനങ്ങൾ: ബുധൻ, വെള്ളി
- ഭാഗ്യ നിറം:പച്ച, മഞ്ഞ
- ഭാഗ്യ സംഖ്യ:3, 6
തുലാക്കൂറ് (ചിത്തിര 1/2, ചോതി, വിശാഖം 3/4)
ഗൾഫിലെ തുലാക്കൂറുകാർക്ക് ഈ ആഴ്ച ദാമ്പത്യത്തിലും തൊഴിലിടങ്ങളിലും സന്തോഷം നിലനിർത്താൻ പല വിട്ടുവീഴ്ചകളും ചെയ്യേണ്ടി വന്നേക്കാം. സ്വന്തം സ്വാർത്ഥ താല്പര്യങ്ങൾ മാറ്റിവെച്ച് ഉറ്റ സുഹൃത്തുക്കളെയും സഹപ്രവർത്തകരെയും അനുയോജ്യമായി ചേർത്തുപിടിക്കുക. ഉദരസംബന്ധമായ ആരോഗ്യ പ്രശ്നങ്ങൾ അലട്ടാൻ സാധ്യതയുണ്ട്. ജോലിസ്ഥലത്ത് അനാവശ്യ ആരോപണങ്ങൾ കേൾക്കേണ്ടി വന്നേക്കാമെന്നതിനാൽ ഓരോ കാര്യത്തിലും ശ്രദ്ധ പുലർത്തുക. സ്വന്തം സഹോദരങ്ങളിൽ നിന്നോ അടുത്ത ബന്ധുക്കളിൽ നിന്നോ ചില എതിർപ്പുകൾ ഉണ്ടാകാം. വഞ്ചിക്കപ്പെടാൻ സാധ്യതയുള്ളതിനാൽ എല്ലാ സാമ്പത്തിക ഇടപാടുകളിലും ജാഗ്രത അത്യന്താപേക്ഷിതമാണ്.
- ഭാഗ്യദിനങ്ങൾ:തിങ്കൾ, ശനി
- ഭാഗ്യ നിറം: നീല, വെള്ള
- ഭാഗ്യ സംഖ്യ:2, 4
വൃശ്ചികക്കൂറ് (വിശാഖം 1/4, അനിഴം, തൃക്കേട്ട)
വൃശ്ചികക്കൂറ് പ്രവാസികൾ ഈ ആഴ്ച സാമ്പത്തിക ബാധ്യതകളും പുതിയ കടങ്ങളും വരുത്തിവെക്കുന്ന പ്രവർത്തനങ്ങളിൽ നിന്നും പൂർണ്ണമായി പിന്തിരിയണം. നിങ്ങളുടെതല്ലാത്ത കാരണങ്ങളാൽ മറ്റുള്ളവരിൽ നിന്നുള്ള എതിർപ്പുകളും വിമർശനങ്ങളും ജോലിസ്ഥലത്ത് നേരിടേണ്ടി വന്നേക്കാം. വ്യക്തിബന്ധങ്ങൾ ഊഷ്മളമായി നിലനിർത്താൻ ചെറിയ വിട്ടുവീഴ്ചകൾ ചെയ്യുന്നത് നന്ന്. ആരോഗ്യകാര്യത്തിൽ പ്രത്യേക ശ്രദ്ധ പുലർത്തുക. ഈശ്വരാനുഗ്രഹം ഉള്ളതുകൊണ്ട് എല്ലാ ബുദ്ധിമുട്ടുകളെയും പതുക്കെ തരണം ചെയ്യാൻ സാധിക്കും. സഹപ്രവർത്തകരുമായി അകൽച്ച വരാതെ നോക്കുക. അഗ്നിയുമായി ബന്ധപ്പെട്ടോ യന്ത്രങ്ങളുമായി ബന്ധപ്പെട്ടോ ജോലി ചെയ്യുന്നവർ അതീവ ജാഗ്രത പാലിക്കുക.
- ഭാഗ്യദിനങ്ങൾ: ചൊവ്വ, വ്യാഴം
- ഭാഗ്യ നിറം: ചുവപ്പ്, മറുറൂൺ
- ഭാഗ്യ സംഖ്യ: 3, 9
