സമ്പൂർണ വാരഫലം: ജ്യോതിഷപ്രകാരം 2023 ഒക്ടോബർ 09 മുതൽ 15 വരെ വരെയുള്ള നക്ഷത്രഫലങ്ങൾ

മേടം (അശ്വതി, ഭരണി, കാര്‍ത്തിക 1/4)
തൊഴിൽ രംഗത്ത് അനുകൂലമായ പല മാറ്റങ്ങളും ഉണ്ടാകും. ആഗ്രഹിക്കുന്ന ജോലിയിൽ പ്രവേശിക്കാൻ അവസരമുണ്ടാകും. സ്വന്തമായി വിവിധ തൊഴിലുകൾ ചെയ്യുന്നവർക്ക് തടസ്സങ്ങൾ ഉണ്ടാകാൻ സാധ്യതയുണ്ട്. പഠന കാര്യങ്ങളിൽ വിദ്യാർത്ഥികൾക്ക് നല്ല രീതിയിൽ മുന്നേറാൻ സാധിക്കും. കച്ചവടക്കാർക്ക് നേട്ടങ്ങൾ ഉണ്ടായേക്കാം.

ഇടവം (കാര്‍ത്തിക 3/4, രോഹിണി, മകയിരം 1/2)
തൊഴിൽ രംഗത്ത് വളരെ അനുകൂലമായ മാറ്റങ്ങൾ ഉണ്ടാകും. സ്വന്തം തൊഴിൽ മേഖലയിൽ നല്ല രീതിയിൽ പുരോഗതി ഉണ്ടാകും. വിദ്യാർത്ഥികൾക്ക് പഠന കാര്യങ്ങളിൽ ആഗ്രഹിക്കുന്ന രീതിയിൽ നേട്ടങ്ങൾ കൈവരിക്കാൻ സാധിക്കും. ബിസിനസ് രംഗത്ത് പ്രവർത്തിക്കുന്നവർക്ക് സാമ്പത്തികമായി പല വിധ നേട്ടങ്ങൾ ഉണ്ടാകാൻ സാധ്യതയുള്ള വാരമാണ്.

മിഥുനം (മകയിരം 1/2, തിരുവാതിര, പുണര്‍തം 3/4)
തൊഴിൽ രംഗത്ത് ഗുണകരമായ സാഹചര്യങ്ങൾ ഉണ്ടാകും. വിവിധ തൊഴിൽ മേഖലകളിൽ പ്രവർത്തിക്കുന്നവർക്ക് നേട്ടങ്ങൾ ഉണ്ടാകാം. കർമ്മ മണ്ഡലം ഏതായാലും വളരെ ഗുണകരമായ മാറ്റങ്ങൾ ഉണ്ടാകാൻ സാധ്യതയുള്ള ആഴ്ചയാണിത്. കുട്ടികൾക്ക് പഠന കാര്യങ്ങളിൽ ഉദ്ദേശിക്കുന്ന രീതിയിൽ പുരോഗതി കൈവരിക്കാനാകും.

YOU MAY ALSO LIKE THIS VIDEO, 13 വർഷം കൊണ്ട്‌ വീടിന്റെ ടെറസിനെ ഒരു കൊച്ചു വനമാക്കി മാറ്റിയ കൊച്ചിക്കാരൻ, പച്ചക്കറി മാത്രമല്ല മാവും, പേരയും, ഓറഞ്ചും ഉൾപ്പടെയുള്ള മരങ്ങളുമുണ്ട്‌ ഈ മട്ടുപ്പാവിൽ, Success Story of Terrace Farming

കര്‍ക്കിടകം (പുണര്‍തം 1/4, പൂയം, ആയില്യം)
തൊഴിൽ രംഗത്ത് അത്ര അനുകൂലമല്ലാത്ത ചില സാഹചര്യം ഉണ്ടായേക്കാം. വിവിധ മേഖലകളിൽ സ്വന്തമായി തൊഴിൽ ചെയ്യുന്നവർക്ക് ചില തടസ്സങ്ങളും പ്രതികൂല സാഹചര്യങ്ങളും ഉണ്ടാകാനിടയുണ്ട്. വിദ്യാർത്ഥികൾക്ക് പഠന കാര്യങ്ങളിൽ വിചാരിച്ചതുപോലെ പുരോഗതി നേടാൻ കഴിഞ്ഞെന്ന് വരില്ല. കച്ചവടക്കാർക്ക് സാമ്പത്തിക നഷ്ടം ഉണ്ടാകാൻ സാധ്യതയുള്ളതിനാൽ വളരെയധികം സൂക്ഷ്മത പാലിക്കേണ്ടതുണ്ട്.

ചിങ്ങം (മകം, പൂരം, ഉത്രം 1/4)
കർമ്മ രംഗത്ത് വളരെയധികം നേട്ടങ്ങൾ കൈവരിക്കാനാകും. വിവിധ മേഖലകളിൽ സ്വന്തമായി തൊഴിൽ ചെയ്യുന്നവർക്കും പലവിധ പുരോഗതി ഉണ്ടാകും. വിദ്യാർഥികൾ പഠന കാര്യങ്ങളിൽ മികച്ച നേട്ടം കൈവരിക്കും. പരീക്ഷകളിൽ നല്ല വിജയം കരസ്ഥമാക്കും. ബിസിനസ് രംഗത്ത് പ്രവർത്തിക്കുന്നവർക്ക് സാമ്പത്തിക പുരോഗതി ഉണ്ടാകും.

കന്നി (ഉത്രം 3/4, അത്തം, ചിത്തിര 1/2)
കർമ്മ മേഖലയിൽ അത്ര ഗുണകരമല്ലാത്ത മാറ്റങ്ങൾ പ്രതീക്ഷിക്കാം. എല്ലാ കാര്യങ്ങളും അതീവ ജാഗ്രത ആവശ്യമാണ്. വിദ്യാർഥികൾ പഠനകാര്യങ്ങളിൽ അത്ര പുരോഗതി പ്രകടമാക്കിയേക്കില്ല. കച്ചവടക്കാർക്ക് അപ്രതീക്ഷിത പ്രതിസന്ധികളും ധന നഷ്ടവും ഉണ്ടായേക്കാം. ഉന്നത സ്ഥാനങ്ങളിൽ ജോലി ചെയ്യുന്നവർ തീരുമാനങ്ങൾ കൈക്കൊള്ളുമ്പോൾ വളരെയധികം ആലോചിക്കേണ്ടതുണ്ട്.

YOU MAY ALSO LIKE THIS VIDEO, ഈദി അമീൻ എന്ന നരഭോജിയായ, ആഫ്രിക്കയുടെ ചരിത്രത്തിലെ ഏറ്റവും ക്രൂരനായ ഏകാധിപതിയുടെ അറിയാ കഥകൾ | Ningalkkariyamo?

തുലാം (ചിത്തിര 1/2, ചോതി, വിശാഖം 3/4)
കർമ്മ രംഗത്ത് വളരെ ഗുണകരമായ മാറ്റങ്ങൾ ഉണ്ടാകും. സ്വന്തമായി തൊഴിൽ ചെയ്യുന്നവർക്ക് പല തരത്തിലുള്ള നേട്ടങ്ങൾ ഉണ്ടാകാം. കുട്ടികൾ പഠന കാര്യങ്ങളിൽ മികച്ച പുരോഗതി പ്രകടമാക്കും. കച്ചവടക്കാർക്ക് സാമ്പത്തിക നേട്ടം പ്രതീക്ഷിക്കാവുന്നതാണ്. ഔദ്യോഗിക രംഗത്ത് പ്രവർത്തിക്കുന്നവർക്കും അനുകൂലമായ സാഹചര്യങ്ങൾ ഉണ്ടാകും.

വൃശ്ചികം (വിശാഖം 1/4, അനിഴം, തൃക്കേട്ട)
തൊഴിൽ മേഖലയിൽ പ്രതികൂല സാഹചയങ്ങൾ ഉണ്ടാകാനിടയുണ്ട്. സ്വയം തൊഴിൽ ചെയ്യുന്നവർക്കും അത്ര അനുകൂലമായ സാഹചര്യം ആയിരിക്കില്ല. വിദ്യാർഥികൾ പഠന കാര്യങ്ങളിൽ അലസത പ്രകടമാക്കും. കച്ചവടക്കാരും പല വിധ ബിസിനസ് ചെയ്യുന്നവരും സാമ്പത്തിക ഇടപാടുകൾ വളരെ ശ്രദ്ധാപൂർവം ചെയ്യുക. വിഷമം ഉണ്ടാക്കുന്ന കാര്യങ്ങൾ ഉണ്ടാകാനിടയുണ്ട്.

ധനു (മൂലം, പൂരാടം, ഉത്രാടം 1/4)
കർമ്മ രംഗത്ത് വളരെയധികം നേട്ടങ്ങൾ പ്രതീക്ഷിക്കാം. സാമ്പത്തിക പുരോഗതി ഉണ്ടാകും. കച്ചവടക്കാർക്ക് ധനനേട്ടം. പുതിയ കാര്യങ്ങൾ തുടങ്ങാൻ സമയം നല്ലതാണ്. മനസിന് സന്തോഷം നൽകുന്ന കാര്യങ്ങൾ സംഭവിക്കും. വിവാഹ കാര്യങ്ങളിൽ തീരുമാനമാകും. കുടുംബത്തിൽ സന്തോഷകരമായ സാഹചര്യമായിരിക്കും.

YOU MAY ALSO LIKE THIS VIDEO, കോന്നി സുരേന്ദ്രന്റെ തറവാട്‌! ആനയുടെ ഒറിജിനൽ അസ്ഥികൂടം കണ്ടിട്ടുണ്ടോ? ഇല്ലെങ്കിൽ ഇതാ, പിന്നെയുമുണ്ട്‌ നിറയെ ആനക്കാഴ്ചകൾ ഇവിടെ, Elephant Skeleton Konni Elephant Sanctuary

മകരം (ഉത്രാടം 3/4, തിരുവോണം, അവിട്ടം 1/2)
കർമ്മ മേഖലയിൽ പ്രതികൂല സാഹചര്യങ്ങളും പലവിധ തടസ്സങ്ങളും ഉണ്ടായേക്കാനിടയുള്ളതിനാൽ വളരെയധികം ശ്രദ്ധിക്കുക. വിദ്യാർത്ഥികൾക്ക് പഠനത്തിൽ അത്ര മികച്ച നേട്ടം കൈവരിക്കാനായെന്ന് വരില്ല. കച്ചവടക്കാർക്ക് സാമ്പത്തിക ഇടപാടുകളിൽ കൂടുതൽ ശ്രദ്ധ ആവശ്യമാണ്. സംസാരത്തിൽ വളരെയധികം സൂക്ഷിക്കണം.

കുംഭം (അവിട്ടം 1/2, ചതയം, പൂരൂരുട്ടാതി 3/4)
തൊഴിൽ മേഖലയിൽ പല തടസ്സങ്ങളും ഉണ്ടായേക്കാം. സ്വയം തൊഴിൽ ചെയ്യുന്നവർക്ക് സാമ്പത്തികമായി അത്ര നല്ല സ്ഥിതി ആയിരിക്കില്ല. കച്ചവടത്തിൽ നഷ്ടങ്ങൾക്ക് സാധ്യതയുള്ളതിനാൽ വളരെയധികം സൂക്ഷിക്കുക. കർമ്മ രംഗത്ത് ഉന്നത സ്ഥാനം വഹിക്കുന്നവർ പ്രധാന കാര്യങ്ങളിൽ വളരെയധികം ആലോചിച്ച് തീരുമാനം എടുക്കേണ്ടതാണ്.

മീനം (പൂരൂരുട്ടാതി1/4, ഉത്രട്ടാതി, രേവതി)
കർമ്മ രംഗത്ത് പല വിധ നേട്ടങ്ങൾ പ്രതീക്ഷിക്കാവുന്നതാണ്. വിദ്യാർഥികൾ പഠനകാര്യങ്ങളിൽ നല്ല നേട്ടം കരസ്ഥമാക്കും. പരീക്ഷകളിൽ നല്ല വിജയം നേടാനുമിടയുണ്ട്. പുതിയ സംരംഭങ്ങൾ തുടങ്ങുന്നതിനെക്കുറിച്ച് ആലോചിക്കും. കച്ചവടക്കാർക്ക് സാമ്പത്തിക പുരോഗതി ഉണ്ടാകും. സ്വയം തൊഴിൽ ചെയ്യുന്നവർക്കും ഔദ്യോഗിക മേഖലയിൽ പ്രവർത്തിക്കുന്നവർക്കുമൊക്കെ അനുകൂലമായ സാഹചര്യങ്ങൾ ഉണ്ടാകും.

തയാറാക്കിയത്‌: അനിൽ പെരുന്ന

YOU MAY ALSO LIKE THIS VIDEO, എന്താണ്‌ ചോവ്വാ ദോഷം? ഇതിനെ പേടിക്കേണ്ട കാര്യമുണ്ടോ? പരിഹാരങ്ങൾ എന്തൊക്കെ?