ജ്യോതിഷവശാൽ അടുത്ത രണ്ടാഴ്ച (2025 ഫെബ്രുവരി 28 വരെ) നേട്ടമുണ്ടാകുന്ന നാളുകാർ ആരൊക്കെ എന്നറിയാം

ദ്വൈവാരഫലങ്ങൾ;
2025 ഫെബ്രുവരി 16 മുതൽ 28 വരെ (1200 കുംഭം 4 മുതൽ 16 വരെ)

മേടം (അശ്വതി, ഭരണി, കാര്‍ത്തിക1/4)
ചെലവുകൾ നിയന്ത്രിക്കണം. സഹോദരങ്ങളുമായി കൂടുതൽ യോജിച്ച് പ്രവർത്തിക്കാനാകും. മനഃസ്വസ്ഥത കുറയും. തൊഴിൽരംഗം മെച്ചപ്പെടും. ഉദ്യോഗാർത്ഥികൾക്ക് മെച്ചപ്പെട്ട അവസരങ്ങൾ വരും. വിദേശത്ത് ജോലിക്കായി ശ്രമിക്കാം. പലവിധ ഐശ്വര്യാനുഭവങ്ങൾ ഉണ്ടാകും. സ്ഥാനക്കയറ്റം ലഭിക്കും. പ്രാർത്ഥനകൾക്ക് ഫലം കാണും. തർക്കവിഷയങ്ങളിൽ വിജയം നേടും. വാക്മാധുര്യം കൊണ്ട് മറ്റുള്ളവരുടെ പ്രീതി നേടും. മൂത്രാശയബന്ധിയായ അസുഖങ്ങൾ പ്രത്യേകം ശ്രദ്ധിക്കണം. മംഗളകർമ്മങ്ങൾക്ക് നേതൃത്വം കൊടുക്കാനാകും.

ഇടവം (കാര്‍ത്തിക 3/4, രോഹിണി, മകയിരം 1/2)
വീട്ടിൽ സ്വസ്ഥത കുറയും. പലവിധ ആപത്തുകൾക്കും ഇടയുണ്ട്. ചില ദുഃഖാനുഭവങ്ങൾ ഉണ്ടാകും. കാര്യതടസ്സങ്ങളനുഭവപ്പെടും. ഒടിവ്, ചതവ്, മുറിവ് ഇവ പറ്റാനിടയുണ്ട്. സന്ധിവേദന ശ്രദ്ധിക്കണം. വഴിയാത്രകൾക്കിടയിൽ പലതരം വൈഷമ്യങ്ങളുണ്ടാകും. കലഹവാസന കൂടുതലാകും. അപമാനം ഏൽക്കേണ്ടതായി വരും. ബന്ധുജനങ്ങൾ വിരോധത്തിലാകും. ധർമ്മകാര്യപ്രവർത്തനങ്ങൾക്ക് തടസ്സങ്ങളുണ്ടാകും. ഉപാസനകൾക്ക് ഭംഗം വരും. സത്കർമ്മങ്ങൾക്കായി പണം ചെലവഴിക്കും. തൊഴിൽരംഗം മെച്ചപ്പെടും.

മിഥുനം (മകയിരം 1/2, തിരുവാതിര, പുണര്‍തം 3/4)
വീട്ടിൽ സ്വസ്ഥത കുറയും. പലവിധ ആപത്തുകൾക്കും ദുഃഖാനുഭവങ്ങൾക്കും ഇടയുണ്ട്. കാര്യതടസ്സങ്ങളുണ്ടാകും. ഒടിവ്, ചതവ്, മുറിവ്, വ്രണങ്ങൾ ഇവ വരാനിടയുണ്ട്. യാത്രകൾ ക്ലേശകരമാകും. കലഹങ്ങൾ ഉണ്ടാകും. അപമാനം ഏൽക്കേണ്ടതായി വരും. ബന്ധുജനങ്ങളുമായി വിരോധത്തിലാകും. ശത്രുക്കൾ മൂലം ദുഃഖാനുഭവങ്ങൾക്കിടയുണ്ട്. മനോവിചാരം കൂടുതലാകും. ഉപാസനകൾക്ക് ഭംഗം വരും. കൊടുക്കൽ വാങ്ങലുകളിൽ വലിയ ലാഭം കിട്ടുകയില്ല. സത്കർമ്മങ്ങൾക്കായി പണം ചെലവഴിക്കും. മംഗളകർമ്മങ്ങൾക്ക് തടസ്സം ഉണ്ടാകും. അപ്രതീക്ഷിതമായി അതിഥികൾ വന്നുചേരും.

‘അങ്ങനെയാണ്‌ ഞാൻ ആകാശവാണിയിൽ എത്തിയത്’ സുഷമ ജീവിതം തുറന്നു പറയുന്നു | ഭാഗം 01 👇Watch Video 👇

കര്‍ക്കിടകം (പുണര്‍തം 1/4, പൂയം, ആയില്യം)
അധികാരസ്ഥാനങ്ങളിൽ നിന്ന് ഉപദ്രവങ്ങൾ ഉണ്ടാകും. വായുക്ഷോഭം, വാതബന്ധിയായ അസുഖങ്ങൾ ഇവ ശ്രദ്ധിക്കണം. പല പ്രകാരത്തിലുള്ള അനർത്ഥങ്ങൾക്കും ഇടയുണ്ട്. പാഴ്‌ച്ചെലവുകൾ കൂടുതലാകും. മനഃസ്വസ്ഥത കുറയും. സ്ഥാനക്കയറ്റം ലഭിക്കും. തൊഴിൽ മെച്ചപ്പെടും. ചില സുഖാനുഭവങ്ങൾക്കും സാദ്ധ്യതയുണ്ട്. ബന്ധുജനങ്ങളുമായി മാനസികമായ അകൽച്ചയുണ്ടാകും. ദുർജ്ജനങ്ങളുമായി ബന്ധപ്പെടേണ്ടതായി വരും. ശൂരത കൂടുതലാകും. നേതൃഗുണം ഉണ്ടാകും. അച്ഛനുമായി അഭിപ്രായവ്യത്യാസങ്ങളുണ്ടാകും. സഹോദരങ്ങളുമായുള്ള പ്രശ്‌നങ്ങൾ പറഞ്ഞുതീർക്കാൻ സാധിക്കും.

ചിങ്ങം (മകം, പൂരം, ഉത്രം 1/4)
മറ്റുള്ളവരെ നിന്ദിച്ചും പരിഹസിച്ചും സംസാരിക്കരുത്. സാമ്പത്തിക പ്രശ്‌നങ്ങൾക്ക് കുറവ് ലഭിക്കും. തിരികെ കിട്ടാനുള്ള പണത്തിനുവേണ്ടി കലഹങ്ങൾ ഉണ്ടാകാനിടയുണ്ട്. സുഖകാര്യങ്ങളിൽ താൽപ്പര്യം കൂടുതലാകും. ചില ക്ലേശാനുഭവങ്ങൾക്കിടയുണ്ട്. അപവാദം കേൾക്കേണ്ടതായി വരും. വാതരോഗത്തിന്റെ ഉപദ്രവം കൂടുതലാകും. അധികാരസ്ഥാനങ്ങളിൽ നിന്ന് ബുദ്ധിമുട്ടുകൾ ഉണ്ടാകും. അവിചാരിതമായ ധനാഗമം ഉണ്ടാകും. സ്ഥാനമാനങ്ങൾ ലഭിക്കും. കലഹസ്വഭാവം ഉണ്ടാകും. ചെയ്യുന്ന പ്രവൃത്തികളിൽ തെറ്റുപറ്റാനിടയുണ്ട്. ഗൃഹോപകരണങ്ങൾ, അലങ്കാര സാധനങ്ങൾ ഇവ വാങ്ങാനാകും. വിവാഹമോചനക്കേസുകൾ ഒത്തുതീർപ്പാക്കാനാകും. പുതിയ തൊഴിലവസരങ്ങൾ ഉണ്ടാകും.

കന്നി (ഉത്രം 3/4, അത്തം, ചിത്തിര1/2)
ധനബന്ധിയായ പ്രതിസന്ധികൾ മാറിക്കിട്ടും. ധനലാഭൈശ്വര്യങ്ങൾ ഉണ്ടാകും. പഴകിയ രോഗങ്ങൾക്ക് ശമനം കണ്ടുതുടങ്ങും. മനഃസ്വസ്ഥത കുറയും. വ്യവഹാരങ്ങളിൽ വിജയം വരിക്കും. സ്ഥാനക്കയറ്റം ലഭിക്കും. പലവിധ ഭാഗ്യാനുഭവങ്ങളും ഉണ്ടാകും. എല്ലാകാര്യങ്ങളും സാമർത്ഥ്യത്തോടെ ചെയ്യാനാകും. കാര്യസാദ്ധ്യങ്ങളുണ്ടാകും. സ്ത്രീകൾ/ പുരുഷന്മാർ മൂലം ചില ഉപദ്രവങ്ങൾ ഉണ്ടാകും. ആരോഗ്യം പൊതുവെ തൃപ്തികരമായിരിക്കും. തൊഴിൽരംഗത്ത് കലഹങ്ങൾ ഉണ്ടാകാനിടയുണ്ട്. തൊഴിൽ സ്ഥലത്ത് അഗ്നിയുടെ ഉപദ്രവത്തിനും സാദ്ധ്യതയുണ്ട്. ത്വക്‌രോഗം ശ്രദ്ധിക്കണം.

നിർമ ഇനിയില്ല! ഒരു കാലത്ത് ഇന്ത്യൻ വിപണി കീഴടക്കിയ ‘നിർമ’യെ തകർത്തതാര്‌? സൈക്കിളിൽ ഉടമ തന്നെ കൊണ്ടു നടന്ന് വിറ്റ സോപ്പു പൊടി സൂപ്പർ ബ്രാൻഡ് ആയ കഥ 👇Watch Video 👇

തുലാം (ചിത്തിര 1/2, ചോതി, വിശാഖം3/4)
മക്കൾ അടുത്തില്ലാത്തതിന്റെ വിഷമതകൾ കൂടുതലാകും. ശത്രുക്കളിൽ നിന്നുള്ള ഉപദ്രവം വർദ്ധിക്കും. മനഃസ്വസ്ഥത കുറയും. മനോവ്യാധി കൂടുതലാകും. പലവിധ ദുഃഖാനുഭവങ്ങളും ഉണ്ടാകും. കാൽനടയാത്രകൾ കൂടുതലായി വേണ്ടിവരും. മുൻകോപം നിയന്ത്രിക്കണം. പല പ്രകാരേണ ധനാഗമങ്ങൾ ഉണ്ടാകുമെങ്കിലും, പാഴ്‌ചെലവുകൾ കൂടുതലായുണ്ടാകും. രോഗാരിഷ്ടതകൾ കൂടുതലാകും. അർശ്ശോരോഗം ശ്രദ്ധിക്കണം. ജന്തുക്കളുടെ ഉപദ്രവം ഉണ്ടാകാനിടയുണ്ട്. ഭാഗ്യാനുഭവങ്ങൾക്ക് തടസ്സങ്ങളുണ്ടാകും. പ്രായോഗികബുദ്ധി പ്രയോജനപ്പെടാതെ വരും.

വൃശ്ചികം (വിശാഖം1/4, അനിഴം, തൃക്കേട്ട)
സുഖാനുഭവങ്ങൾക്ക് കുറവുവരും. രണ്ടാമത് ഒരു വീടുകൂടി ഉണ്ടാകാനുള്ള യോഗമുണ്ട്. പൂർവ്വികധനത്തിന് നാശം വരും. രോഗാരിഷ്ടതകൾ ശ്രദ്ധിക്കണം. വായുക്ഷോഭം കൂടുതലാകും. ധർമ്മാചാരങ്ങൾക്ക് കുറവുവരും. ബന്ധുജനങ്ങളുമായി അകലേണ്ടതായി വരും. കണക്ക് പ്രധാന വിഷയമെടുത്തിട്ടുള്ള വിദ്യാർത്ഥികൾക്ക് നല്ല പ്രതീക്ഷയ്ക്ക് വകയുണ്ട്. ധനാഗമങ്ങൾ ഉണ്ടാകും. സ്ഥാനമാനങ്ങൾ ലഭിക്കും. നല്ല വാക്കുകൾ കൊണ്ട് കാര്യസാദ്ധ്യങ്ങളുണ്ടാകും. ഔദാര്യാദി ഗുണങ്ങൾ കൂടുതലായിട്ടുണ്ടാകും. മക്കൾ നല്ല നിലയിലെത്തും.

ധനു (മൂലം, പൂരാടം, ഉത്രാടം 1/4)
പലവിധ ഐശ്വര്യാനുഭവങ്ങളും ഉണ്ടാകും. സഹോദരങ്ങൾക്ക് ക്ലേശാനുഭവങ്ങൾ ഉണ്ടാകാനിടയുണ്ട്. നാൽക്കാലികൾ ലാഭകരമാകും. അനുചിതമായ പ്രവൃത്തികൾ ചെയ്യേണ്ടതായി വരും. കലഹസ്വഭാവം കൂടുതലാകും. ദാമ്പത്യകലഹങ്ങൾക്കും സാദ്ധ്യതയുണ്ട്. തൊഴിൽരംഗം കുറച്ച് മെച്ചപ്പെടും. കഴുത്തിന് മുകളിലുള്ള അംഗങ്ങൾക്ക് രോഗാരിഷ്ടതകളുണ്ടാകും. ശൗര്യം കൂടുതലാകും. യാത്രകൾ വേണ്ടിവരും. മാന്ത്രികകർമ്മങ്ങളിൽ കൂടുതൽ താൽപ്പര്യം ഉണ്ടാകും. മക്കളെക്കുറിച്ചുള്ള ആശങ്കകൾ കൂടുതലാകും. വാഹനങ്ങൾ വാങ്ങാൻ നല്ല സമയമാണ്.

‘അങ്ങനെയാണ്‌ ഞാൻ ആകാശവാണിയിൽ എത്തിയത്’ സുഷമ ജീവിതം തുറന്നു പറയുന്നു | ഭാഗം 01 👇Watch Video 👇

മകരം (ഉത്രാടം 3/4, തിരുവോണം, അവിട്ടം 1/2)
ധനാഗമങ്ങൾ ഉണ്ടാകുമെങ്കിലും ധനനഷ്ടങ്ങൾ കരുതിയിരിക്കണം. ശത്രുക്കൾക്ക് സഹായം ചെയ്യാനവസരം വരും. കണ്ണ്, മൂക്ക്, വായ, പല്ല്, നാവ്, ചെവി ഈ അംഗങ്ങളിൽ രോഗസാദ്ധ്യതകളുണ്ട്. മറ്റുള്ളവരാൽ അപഹരിക്കപ്പെട്ട ധനമോ സാധനങ്ങളോ വന്നുചേരാനിടയുണ്ട്. അതുമൂലം കലഹങ്ങളും മറ്റും ഉണ്ടാകാനിടയുണ്ട്. കീർത്തി വർദ്ധിക്കും. വിശപ്പ് കൂടുതലാകും. മുറിവ്, വ്രണം ഇവയുണ്ടാകാനിടയുണ്ട്. നല്ല വാക്‌സാമർത്ഥ്യം ഉണ്ടാകും. കാര്യങ്ങൾ ഉത്തരവാദിത്വത്തോടെ ചെയ്യാനാകും. ഭാഗ്യാനുഭവങ്ങൾക്ക് തടസ്സങ്ങളുണ്ടാകും. തൊഴിൽരംഗം മെച്ചപ്പെടും. സാഹിത്യാസ്വാദനങ്ങൾക്കവസരം ലഭിക്കും.

കുംഭം (അവിട്ടം 1/2, ചതയം, പൂരൂരുട്ടാതി 3/4)
രോമങ്ങൾ കൂടുതലായി കൊഴിഞ്ഞുപോകാനിടയുണ്ട്. മുൻകോപം, ശൂരത ഇവ നിയന്ത്രിക്കണം. അക്ഷമ കൂടുതലാകും. മനഃസ്വസ്ഥത കുറയും. പല പ്രകാരത്തിലുളള്ള അനർത്ഥങ്ങൾക്കിടയുണ്ട്. ചഞ്ചല ബുദ്ധിയായിരിക്കും. അധർമ്മങ്ങൾക്ക് കൂട്ടുനിൽക്കേണ്ടതായി വരും. സാഹസപ്രവർത്തികളിലേർപ്പെടരുത്. ആരോഗ്യം പൊതുവെ നന്നായിരിക്കും. മക്കളുമായി കലഹിക്കേണ്ടതായി വരും. കലാസ്വാദനങ്ങൾക്ക് അവസരം ലഭിക്കും. വാക്ചാതുര്യം കൊണ്ട് കാര്യസാദ്ധ്യങ്ങളുണ്ടാകും. വീഴാതെ ശ്രദ്ധിക്കണം. തൊഴിൽരംഗം മെച്ചപ്പെടും. മംഗളകർമ്മങ്ങൾക്ക് നേതൃത്വം കൊടുക്കേണ്ടതായി വരും. പുതിയ വീടിന് യോഗമുണ്ട്.

മീനം (പൂരൂരുട്ടാതി1/4, ഉത്രട്ടാതി, രേവതി)
പ്രാർത്ഥനകൾക്ക് ഫലം കുറയും. സൽക്കർമ്മങ്ങൾക്ക് ഭംഗം വരും. വീട്ടിൽ സ്വസ്ഥത കുറയും. മനസ്സിന് അസ്വസ്ഥതകൾ കൂടുതലാകും. കാര്യതടസ്സങ്ങൾ ഉണ്ടാകും. പനി, ഉദരവ്യാധി ഇവ ശ്രദ്ധിക്കണം. മുറിവിൽ നിന്ന് കൂടുതൽ രക്തം പോകാനിടയുണ്ട്. സ്ഥാനനഷ്ടങ്ങൾ ഉണ്ടാകും. അപവാദം കേൾക്കേണ്ടതായി വരും. അലച്ചിലും ബുദ്ധിമുട്ടുകളും കൂടുതലാകും. ചെലവുകൾ കൂടുതലാകും. തൊഴിൽരംഗം മെച്ചമല്ല. തൊഴിൽസ്ഥലത്ത് കലഹങ്ങൾക്കിടയുണ്ട്. വാഹനം ഉപയോഗിക്കുന്നവർ കൂടുതൽ ശ്രദ്ധിക്കണം. ദൂരയാത്രകൾ ഒഴിവാക്കണം.

• തയാറാക്കിയത്‌: ജ്യോത്സ്യൻ പി. ശരത്ചന്ദ്രൻ

നിർമ ഇനിയില്ല! ഒരു കാലത്ത് ഇന്ത്യൻ വിപണി കീഴടക്കിയ ‘നിർമ’യെ തകർത്തതാര്‌? സൈക്കിളിൽ ഉടമ തന്നെ കൊണ്ടു നടന്ന് വിറ്റ സോപ്പു പൊടി സൂപ്പർ ബ്രാൻഡ് ആയ കഥ 👇Watch Video 👇