സമ്പൂർണ ദ്വൈവാരഫലം: ജ്യോതിഷപ്രകാരം 2024 ഏപ്രിൽ 1 മുതൽ 15 വരെ നിങ്ങൾക്കെങ്ങനെ എന്നറിയാം

ജ്യോത്സ്യൻ പി. ശരത്ചന്ദ്രൻ ‘ജ്യോതിഷരത്നം’ മാഗസിന്‌ വേണ്ടി തയ്യാറാക്കിയ സമ്പൂർണ ദ്വൈവാരഫലങ്ങൾ

മേടം (അശ്വതി, ഭരണി, കാര്‍ത്തിക 1/4)
ചെലവുകൾ കൂടുതലാകും. കഫക്കെട്ടിന്റെ ഉപദ്രവം വർദ്ധിക്കും. കണ്ണിന് കാഴ്ച മങ്ങും. സജ്ജനസംസർഗ്ഗം നല്ലവണ്ണം ഉണ്ടാകും. വാഹനങ്ങൾ വാങ്ങാൻ നല്ല സമയമാണ്. വൈദ്യശാസ്ത്ര രംഗത്തുള്ളവർക്ക് നല്ലവണ്ണം ശോഭിക്കാൻ സാധിക്കും. ശത്രുക്കളെ ബന്ധുജനങ്ങളെപ്പോലെ സ്‌നേഹിക്കാനവസരം ഉണ്ടാകും. രോഗാരിഷ്ടതകൾക്ക് കുറവ് വരികയില്ല. മനഃസ്വസ്ഥത കുറയും. വീട്ടിലും കലഹങ്ങൾ ഉണ്ടാകും. നാൽക്കാലിവളർത്തലിൽ മെച്ചം കിട്ടും. പ്രാർത്ഥനകൾക്ക് ഫലം കുറയും. ഉപാസനയിൽ ചാഞ്ചല്യം ഉണ്ടാകും. തൊഴിൽരംഗം മെച്ചപ്പെടും. ബന്ധുജനങ്ങളോടുള്ള കലഹം കൂടുതലാകും. വാക്‌ദോഷം ശ്രദ്ധിക്കണം. ജീവിതപങ്കാളിക്ക് മെച്ചപ്പെട്ട സ്ഥിതിയുണ്ടാകും. മക്കൾക്ക് അഭിവൃദ്ധിയുണ്ടാകും.

ഇടവം (കാര്‍ത്തിക 3/4, രോഹിണി, മകയിരം 1/2)
വ്യയാധിക്യം ഉണ്ടാകും. ഇഷ്ടമുള്ള ഭക്ഷണപദാർത്ഥങ്ങൾ ലഭിക്കും. യാത്രയ്ക്കിടയിൽ വൈഷമ്യങ്ങളുണ്ടാകും. ശത്രുപീഡകൾ കൂടുതലാകും. വീട്ടിലും മനസ്സിനും സ്വസ്ഥത കുറയും. മക്കളെക്കൊണ്ട് ദുഃഖാനുഭവങ്ങൾക്കിടയുണ്ട്. ധനാഗമം ഉണ്ടാകും. തൊഴിൽരംഗം മെച്ചപ്പെടും. പ്രാർത്ഥനകൾക്ക് ഫലം കുറയും. ഗവൺമെന്റിൽ നിന്ന് ആനുകൂല്യങ്ങൾ ലഭിക്കാനിടയുണ്ട്. രോഗാരിഷ്ടതകൾ ശ്രദ്ധിക്കണം. സ്‌നേഹിതന്മാരുടെ സഹായം ലഭിക്കും. തർക്കവിഷയങ്ങളിൽ വിജയിക്കും. സത്കർമ്മങ്ങൾക്കായി പണം ചെലവഴിക്കും. ദുഷ്‌കീർത്തിയുണ്ടാകും. തൊഴിൽരംഗത്ത് അഗ്നിബാധ, യന്ത്രത്തകരാറ് എന്നിവയുണ്ടാകാനിടയുണ്ട്. അമ്മയ്ക്ക് ക്ലേശാനുഭവങ്ങളുണ്ടാകും. സഹായികൾ മൂലം ധനനഷ്ടം ഉണ്ടാകാനിടയുണ്ട്.

മിഥുനം (മകയിരം 1/2, തിരുവാതിര, പുണര്‍തം 3/4)
ധനലാഭങ്ങൾക്കനുസരിച്ച് ധനനഷ്ടങ്ങളും ഉണ്ടാകും. തൊഴിൽരംഗം മെച്ചപ്പെടും. പുതിയ തൊഴിൽ ലഭിക്കാനും സാദ്ധ്യതയുണ്ട്. ശരീരക്ലേശങ്ങൾ ഉണ്ടാകും. കഠിനാദ്ധ്വാനം ചെയ്യേണ്ടതായിവരും. സഹോദരങ്ങൾ അകറ്റിനിർത്താൻ ശ്രമിക്കും. സത്കർമ്മങ്ങൾക്കായി പണം ചെലവഴിക്കും. സജ്ജനങ്ങളുമായി ഇടപഴകാൻ സാധിക്കും. വാഹനങ്ങൾ വാങ്ങാൻ പറ്റിയ സമയമാണ്. യാത്രകൾ വേണ്ടിവരും. കായികാഭ്യാസപ്രകടനങ്ങളിൽ താൽപ്പര്യം കൂടുതലാകും. എല്ലായിടത്തും വിജയം നേടാനാകില്ല. നല്ല വാക്കുകൾ കൊണ്ട് മറ്റുള്ളവരുടെ പ്രീതി നേടാനാകും. മൂത്രാശയബന്ധിയായ രോഗങ്ങൾ ശ്രദ്ധിക്കണം.

YOU MAY ALSO LIKE THIS VIDEO, ഒരു പന്തിൽ 286 റൺസ്! ക്രിക്കറ്റ് ചരിത്രത്തിലെ ആ വലിയ കൗതുകം പിറന്നതെങ്ങനെ? Watch Video 👇

കര്‍ക്കിടകം (പുണര്‍തം 1/4, പൂയം, ആയില്യം)
പലവിധ ആപത്തുകൾക്കും ഇടയുണ്ട്. മരണതുല്യമായ അവസ്ഥകൾ ഉണ്ടാകും. വ്രണങ്ങൾ, രക്തബന്ധിയായ അസുഖങ്ങൾ, മനോവിഷമം ഇവയുണ്ടാകും. ധനലാഭങ്ങൾ ഉണ്ടാകും. ധർമ്മകാര്യപ്രവർത്തനങ്ങൾ ഭംഗിയായി നടത്താനാകും. ഉപാസനകൾക്ക് ഭംഗംവരും. സഹോദരബന്ധങ്ങൾ വഷളാകും. ദാമ്പത്യകലഹങ്ങളുണ്ടാകും. ഗൃഹനിർമ്മാണം തുടങ്ങാം. കൊടുക്കൽ വാങ്ങലുകളിൽ വലിയ ലാഭം കിട്ടുകയില്ല. തൊഴിൽരംഗം മെച്ചപ്പെടും. വാക്‌ദോഷം നിമിത്തം കലഹങ്ങൾ ഉണ്ടാകും. വിവാഹാലോചനകൾക്ക് തടസ്സങ്ങളുണ്ടാകും.

ചിങ്ങം (മകം, പൂരം, ഉത്രം 1/4)
സാമ്പത്തിക ബുദ്ധിമുട്ടുകൾ ഉണ്ടാകും. വിദ്യാഭ്യാസത്തിന് തടസ്സക്ലേശങ്ങൾ ഉണ്ടാകും. സർക്കാർ സ്ഥാപനങ്ങളിൽ നിന്ന് കാര്യതടസ്സങ്ങളുണ്ടാകും. ഭാര്യ- ഭർത്തൃ കലഹങ്ങൾ ഇവയുണ്ടാകും. നേത്രരോഗം, ഉദരരോഗം ഇവ ശ്രദ്ധിക്കണം. വാതബന്ധിയായ അസുഖങ്ങൾ കൂടുതലാകും. മക്കൾക്ക് ക്ഷേമൈശ്വര്യങ്ങളുണ്ടാകും. പുതിയ ഗൃഹോപകണങ്ങൾ വാങ്ങാനാകും. പലവിധ സുഖാനുഭവങ്ങളുണ്ടാകും. വിവാഹാലോചനകൾ ഉറപ്പിക്കാനാകില്ല. നാൽക്കാലിവളർത്തൽ ലാഭകരമാകും. തൊഴിൽരംഗം പുഷ്ടിപ്പെടും. ധനത്തെ സംബന്ധിച്ച് കലഹങ്ങളുണ്ടാകാനിടയുണ്ട്. മക്കൾക്ക് മനഃക്ലേശം ഉണ്ടാകും.

കന്നി (ഉത്രം 3/4, അത്തം, ചിത്തിര 1/2)
ദൈന്യഭാവം ആയിരിക്കും. ധനാഗമങ്ങൾ ഉണ്ടാകും. ലോഹവസ്തുക്കൾ വാങ്ങാനാകും. എപ്പോഴും കലഹഭയം ഉണ്ടായിരിക്കും. കാര്യസാദ്ധ്യങ്ങളുണ്ടാകും. മക്കൾക്ക് സുഖാനുഭവങ്ങൾ ഉണ്ടാകും. ത്വക്ക്‌രോഗം, ഉദരവ്യാധി, വായുകോപം ഇവ ശ്രദ്ധിക്കണം. കഠിനമായ ദുഃഖാനുഭവങ്ങളുണ്ടാകും. ശരീരക്ഷീണം ഉണ്ടാകും. ബന്ധനാവസ്ഥവരെ ഉണ്ടാകാനിടയുണ്ട്. അപവാദങ്ങൾ കേൾക്കാനിടവരും. സ്ത്രീ/പുരുഷന്മാരുടെ ഉപദ്രവം ഉണ്ടാകും. തൊഴിൽരംഗം മെച്ചപ്പെടും. വിദ്യാഭ്യാസത്തിനുള്ള തടസ്സങ്ങൾ മാറും. കടം കൊടുത്ത പണത്തിനായി കലഹിക്കേണ്ടതായിവരും. വ്യവഹാര വിഷയങ്ങളിൽ പരാജയം ഉണ്ടാകും.

YOU MAY ALSO LIKE THIS VIDEO, 40 വയസ് കഴിഞ്ഞ സ്ത്രീകൾക്ക് സെക-സിനോട് വിരക്തി തോന്നാൻ കാരണമെന്ത്? ഇതിന്‌ ചികിത്സ ഉണ്ടോ? Watch Video 👇

തുലാം (ചിത്തിര 1/2, ചോതി, വിശാഖം 3/4)
മനഃസ്വസ്ഥത കുറയും. ദുഷ്ചിന്തകൾ കൂടുതലാകും. രോഗാരിഷ്ടതകളും ദുഃഖാനുഭവങ്ങളും കൂടുതലാകും. മക്കളുടെ ആരോഗ്യത്തെക്കുറിച്ച് ആശങ്കയുണ്ടാകും. ബുദ്ധിസാമർത്ഥ്യവും വാക്‌സാമർത്ഥ്യവും കൊണ്ട് കാര്യങ്ങൾ നടത്താനാകും. ശത്രുക്കളിൽ നിന്നുള്ള ഉപദ്രവം കൂടുതലാകും. അർശ്ശോരോഗം, മൂത്രാശയ ബന്ധിയായ അസുഖങ്ങൾ ഇവ ശ്രദ്ധിക്കണം. വേണമെങ്കിൽ ശസ്ത്രക്രിയ നടത്താം. കച്ചവടത്തിൽ ലാഭം പ്രതീക്ഷിക്കാം. ദൂരയാത്രകൾ വേണ്ടിവരും. പാപകർമ്മങ്ങളേയും സത്യത്തേയും മറച്ചുവച്ച് സംസാരിക്കേണ്ടതായിവരും. ആലോചനയിലുള്ള പുനർവിവാഹങ്ങൾ നടത്താം. തർക്കവിഷയങ്ങളിൽ വിജയം നേടും. പുതിയ വീടിനുള്ള ശ്രമം വിജയത്തിലെത്തും. തർക്കവിഷയങ്ങളിൽ വിജയം നേടും. പുതിയ വീടിനായുള്ള ശ്രമം തുടരും.

വൃശ്ചികം (വിശാഖം 1/4, അനിഴം, തൃക്കേട്ട)
മനസ്സിലും വീട്ടിലും അസ്വസ്ഥതകൾ കൂടുതലാകും. വീട്ടിലെ കലഹങ്ങൾ സൂക്ഷ്മതയോടെ കൈകാര്യം ചെയ്യണം. ശത്രുക്കളിൽ നിന്ന് ദുഃഖാനുഭവങ്ങളുണ്ടാകും. ദുർജ്ജനങ്ങളുമായി ബന്ധപ്പെടേണ്ടതായി വരും. ഉദരബന്ധിയായ രോഗങ്ങൾ, പനി, ചുമ ഇവ ശ്രദ്ധിക്കണം. ചില ഭാഗ്യാനുഭവങ്ങളുണ്ടാകും. സ്ഥാനമാനങ്ങൾക്ക് സാദ്ധ്യതയുണ്ട്. ഒന്നിലും തൃപ്തി തോന്നുകയില്ല. ധനലാഭങ്ങൾ ഉണ്ടാകുമെങ്കിലും ചെലവുകൾ കൂടുതലാകും. ബന്ധുജനങ്ങൾക്ക് ക്ഷേമം ഉണ്ടാകും. മനോവിചാരമേറും. കലഹവാസന കൂടുതലാകും. തർക്കവിഷയങ്ങളിൽ വിജയം നേടും. അസമയത്തെ യാത്ര, വാക്ക്തർക്കങ്ങൾ ഇവ ഒഴിവാക്കണം. തൊഴിൽരംഗത്തുനിന്നും വരുമാനം വർദ്ധിക്കും. പഴയകാല സുഹൃത്തുക്കളെ കാണാനാകും.

ധനു (മൂലം, പൂരാടം, ഉത്രാടം 1/4)
സഹോദരങ്ങൾക്കഭിവൃദ്ധിയുണ്ടാകും. അമ്മയുമായുള്ള കലഹങ്ങൾ പരിഹരിക്കാൻ ശ്രമിക്കണം. സുഖാനുഭവങ്ങൾക്ക് തടസ്സങ്ങളുണ്ടാകും. പുതിയ വീട് പണിയാം. ശത്രുക്ഷയം ഉണ്ടാകും. ഭാര്യയോടും/ ഭർത്താവിനോടും മക്കളോടും എപ്പോഴും കലഹമായിരിക്കും. ഏത് പ്രതിസന്ധിയേയും നിശ്ചയദാർഢ്യത്തോടെ നേരിടാനാകും. വിവാഹാലോചനകൾ സഫലമാകും. വിദ്യാഭ്യാസത്തിനുള്ള തടസ്സങ്ങൾ മാറിക്കിട്ടും. തൊഴിൽസ്ഥലത്ത് കലഹങ്ങളും തൊഴിൽസ്തംഭനവും ഉണ്ടാകാനിടയുണ്ട്. മക്കളെക്കൊണ്ട് സമാധാനവും സന്തോഷവും കിട്ടും. കച്ചവടത്തിൽ ലാഭം കിട്ടും. കമിതാക്കളുടെ പ്രണയം സഫലമാകും. വന്ധ്യതാ ചികിത്സകൾ സഫലമാകും. പണം ക്രമം വിട്ട് ചെലവാകും. ഭാഗ്യാനുഭവങ്ങൾ ഉണ്ടാകും.

YOU MAY ALSO LIKE THIS VIDEO, ഈ ഭൂമിയിൽ പോകാൻ പേടിക്കേണ്ട ഒരേയൊരു സ്ഥലം; പോയാൽ ജീവനോടെ തിരികെ വരില്ല | Watch Video 👇

മകരം (ഉത്രാടം 3/4, തിരുവോണം, അവിട്ടം 1/2)
ഭാഗ്യാനുഭവങ്ങൾക്ക് തടസ്സങ്ങളുണ്ടാകും. ധനലാഭൈശ്വര്യങ്ങളുണ്ടാകും. തൊഴിൽരംഗം പുഷ്ടിപ്പെടും. പുതിയ സംരംഭങ്ങൾ തുടങ്ങാം. വാക്‌ദോഷം കൊണ്ടുള്ള കലഹങ്ങൾ ഉണ്ടാകും. സംസാരത്തിൽ മിതത്വം പാലിക്കണം. കഠിനവാക്കുകൾ പറഞ്ഞ് മറ്റുള്ളവരെ വേദനിപ്പിക്കും. ഗൃഹനിർമ്മാണം നടത്താം. ധനത്തെ സംബന്ധിച്ചും ഭൂമിയെ സംബന്ധിച്ചും കലഹങ്ങളുണ്ടാകാനിടയുണ്ട്. സ്ഥാനക്കയറ്റം ലഭിക്കും. ഗവൺമെന്റിൽ നിന്നുള്ള ആനുകൂല്യങ്ങൾ ലഭിക്കും. കള്ളന്മാരുടേയും അഗ്നിയുടേയും ഉപദ്രവങ്ങളുണ്ടാകും. മനോവിചാരങ്ങൾ കൂടുതലാകും. ബന്ധുജനങ്ങൾക്കും കുടുംബ ജനങ്ങൾക്കും അഭിവൃദ്ധിയുണ്ടാകും. തൊഴിൽരംഗം മെച്ചപ്പെടും. പുതിയ പദ്ധതികൾ തുടങ്ങാം. എന്തൊക്കെയുണ്ടെങ്കിലും ഒരു സുഖം തോന്നാത്ത സ്ഥിതിയുണ്ടാകും.

കുംഭം (അവിട്ടം 1/2, ചതയം, പൂരൂരുട്ടാതി 3/4)
സഹോദരങ്ങൾക്ക് അഭിവൃദ്ധിയുണ്ടാകും. ഗവൺമെന്റിൽ നിന്നും കിട്ടാനുള്ള ആനുകൂല്യങ്ങൾ കിട്ടും. ധനനാശങ്ങൾ ഉണ്ടാകും. കാര്യതടസ്സങ്ങളുണ്ടാകും. ശരീരത്തിന് ക്ഷീണവും ചടവും ഉണ്ടാകും. ശത്രുഭയം, പോലീസ് തുടങ്ങിയ അധികാരസ്ഥാനത്ത് നിന്നുള്ള ഭീതി ഇവയുണ്ടാകും. സ്ഥാനഭ്രംശം ഉണ്ടാകാനിടയുണ്ട്. ചില സുഖാനുഭവങ്ങളുണ്ടാകും. ആപത്ഭീതി എപ്പോഴും ഉണ്ടാകും. തർക്കവിഷയങ്ങളിലോ, മദ്ധ്യസ്ഥത ശ്രമങ്ങളിലോ ഏർപ്പെടരുത്. മക്കളെക്കൊണ്ട് സമാധാനം ലഭിക്കും. റിക്കാർഡുകളിലും മറ്റും ഒപ്പിടുന്നതും അംഗീകരിക്കുന്നതും ശ്രദ്ധിച്ചുവേണം. നിശ്ചയദാർഢ്യത്തോടെ, ഈശ്വരാർപ്പണമായി എല്ലാം നേരിടാൻ സാധിക്കും. അവിചാരിതമായ ചില ധനാഗമങ്ങൾക്കിടയുണ്ട്. എല്ലാം മനസ്സിലൊതുക്കുന്ന ഒരു രീതിയായിരിക്കും.

മീനം (പൂരൂരുട്ടാതി1/4, ഉത്രട്ടാതി, രേവതി)
സഹോദരങ്ങൾക്കഭിവൃദ്ധിയുണ്ടാകും. ഗവൺമെന്റിൽ നിന്നുള്ള ആനുകൂല്യങ്ങൾ ലഭിക്കും. ഗൃഹനിർമ്മാണം നടത്താം. ധനാഗമങ്ങൾ ഉണ്ടാകും. നല്ല വാക്കുകൾ കൊണ്ട് മറ്റുള്ളവരുടെ പ്രീതി നേടും. ദാമ്പത്യകലഹങ്ങൾ ഉണ്ടാകും. വഴിയാത്രകൾ വേണ്ടിവരും. ശരീരക്ഷീണം കൂടുതലാകും. പലവിധ അനർത്ഥങ്ങൾക്കും ഇടയുണ്ട്. ദുർവ്യയങ്ങൾ ഉണ്ടാകും. മനഃസ്വസ്ഥത കിട്ടുകയില്ല. ആധിവ്യാധികൾ കൂടുതലാകും. വിശേഷവാദ്യാലങ്കാരങ്ങൾ ഉണ്ടാകും. ഇഷ്ടമുള്ള അന്നപാനസാധനങ്ങൾ ലഭിക്കും. വിവാഹാലോചനകൾ മുടങ്ങിപ്പോകും. വിവാഹമോചനക്കേസുകൾ ശ്രദ്ധയോടെ കൈകാര്യം ചെയ്യണം. തൊഴിൽരംഗത്തുനിന്നുള്ളവരുടെ വരുമാനം വർദ്ധിക്കും. ഭാര്യയ്ക്ക്/ ഭർത്താവിന് രോഗാരിഷ്ടതകളുണ്ടാകും. ദുഷ്ചിന്തകളും ദുർബുദ്ധിയും നിയന്ത്രിക്കണം. ഉപാസനകൾക്ക് പ്രാധാന്യം കൊടുക്കണം.

തയാറാക്കിയത്‌: ജ്യോത്സ്യൻ പി. ശരത്ചന്ദ്രൻ
കടപ്പാട്: ‘ജ്യോതിഷരത്നം’ മാഗസിൻ

YOU MAY ALSO LIKE THIS VIDEO, ആൺകുട്ടികളിലെ / പുരുഷന്മാരിലെ അമിത സ്തന വളർച്ച; കാരണങ്ങളും ചികിത്സയും 👇