സമ്പൂർണ മാസഫലം: 1201 മിഥുനമാസം നിങ്ങൾക്കെങ്ങനെ എന്നറിയാം
ചിങ്ങക്കൂറ് (മകം, പൂരം, ഉത്രം 1/4)
ചിങ്ങക്കൂറുകാർക്ക് ഈ മാസം വളരെ നല്ല കാര്യങ്ങൾ ചെയ്യാനും അതിലൂടെ വലിയ ജനസമ്മിതി നേടാനും കഴിയും. പിതൃസ്വത്തുക്കൾ കൈവരാൻ അനുകൂലമായ സമയമാണ്. ഭൂമി വാങ്ങാനും ഗൃഹനിർമ്മാണത്തിനുമുള്ള മികച്ച അവസരങ്ങൾ കൈവരും. സർക്കാർ തലത്തിൽ നിന്ന് ലഭിക്കേണ്ട ആനുകൂല്യങ്ങൾ ഈ മാസം ലഭിക്കും. വിദ്യാർത്ഥികൾക്ക് ഉപരിപഠനത്തിന് ആഗ്രഹിച്ച കോഴ്സുകളിൽ പ്രവേശനം ലഭിക്കും. തടഞ്ഞുവെച്ചിരുന്ന പ്രമോഷനോ നിയമന ഉത്തരവുകളോ വീണ്ടും ലഭിക്കാനിടയുണ്ട്. കുടുംബത്തിലെ അഭിപ്രായ വ്യത്യാസങ്ങൾ പരിഹരിച്ച് ആഹ്ലാദ അന്തരീക്ഷം സംജാതമാകും.
കന്നിക്കൂറ് (ഉത്രം 3/4, അത്തം, ചിത്തിര 1/2)
കന്നിക്കൂറുകാർക്ക് മത്സരപരീക്ഷകളിൽ പ്രതീക്ഷിക്കുന്ന തരത്തിലുള്ള മികച്ച വിജയം സ്വന്തമാക്കാൻ സാധിക്കും. മുന്നിൽ വരുന്ന അവസരങ്ങൾ പൂർണ്ണമായും പ്രയോജനപ്പെടുത്തുവാൻ ആത്മാർത്ഥമായി പ്രവർത്തിക്കും. മഹദ് വ്യക്തികളുമായി വിജ്ഞാനപ്രദമായ ആശയങ്ങൾ പങ്കുവെക്കാൻ അവസരമുണ്ടാകും. കരാറുകാർക്ക് (Contractors) കുടിശ്ശികയായി കിട്ടാനുള്ള ധനം ലഭിക്കുകയും പുതിയ കരാറുകൾ വന്നു ചേരുകയും ചെയ്യും. സന്താനങ്ങളുടെ പഠനത്തിന്റെയോ തൊഴിലിന്റെയോ ഭാഗമായി ചില യാത്രകൾ ഈ മാസം വേണ്ടതായി വരും.
തുലാക്കൂറ് (ചിത്തിര 1/2, ചോതി, വിശാഖം 3/4)
തുലാക്കൂറുകാർക്ക് ഈ മാസം ശത്രുക്കൾ വർദ്ധിക്കാൻ സാധ്യതയുണ്ട്, അതിനാൽ എല്ലാ കാര്യങ്ങളും സമചിത്തതയോടെ മാത്രം കൈകാര്യം ചെയ്യുക. ദുഷിച്ച കൂട്ടുകെട്ടുകളിൽ നിന്നും ലഹരി വസ്തുക്കളിൽ നിന്നും പൂർണ്ണമായും വർജിക്കുക. ഭക്ഷ്യവിഷബാധയേൽക്കാതെ ആഹാരകാര്യങ്ങളിൽ അതീവ ജാഗ്രത പുലർത്തണം. അശ്രദ്ധകൊണ്ട് പണവും ആഭരണവും നഷ്ടപ്പെടാൻ സാധ്യതയുള്ളതിനാൽ സൂക്ഷിക്കുക. കോടതി കേസുകളുടെ കാലതാമസം മനസ്സിൽ അസ്വസ്ഥതകൾ സൃഷ്ടിച്ചേക്കാം. ആരോഗ്യ കാര്യങ്ങളിൽ നല്ല ശ്രദ്ധ വേണം.
വൃശ്ചികക്കൂറ് (വിശാഖം 1/4, അനിഴം, തൃക്കേട്ട)
വൃശ്ചികക്കൂറുകാർ ഈ മാസം എല്ലാ കാര്യങ്ങളും നന്നായി ശ്രദ്ധിച്ചു മാത്രം ചെയ്യുക. അപകടസാധ്യതയുള്ള സാഹസപ്രവർത്തികളിൽ നിന്നും പൂർണ്ണമായി പിൻമാറേണ്ടതാണ്. ജോലിസ്ഥലത്ത് സഹപ്രവർത്തകരുമായി രമ്യതയിൽ വർത്തിക്കാൻ ശ്രമിക്കുക. കള്ളന്മാരിൽ നിന്നും പണം നഷ്ടപ്പെടാനോ ഉപദ്രവം ഉണ്ടാകാനോ സാധ്യതയുള്ളതിനാൽ വീടും സാധനങ്ങളും നന്നായി സൂക്ഷിക്കുക. വിദ്യാർത്ഥികൾ അലസത വെടിഞ്ഞ് പഠന കാര്യങ്ങളിൽ കൂടുതൽ ശ്രദ്ധിക്കണം. നിങ്ങളുടെ സംസാരത്തിൽ വളരെയധികം നിയന്ത്രണവും സൗമ്യതയും ശീലിക്കേണ്ടത് ഈ മാസം അത്യാവശ്യമാണ്.
