സമ്പൂർണ മാസഫലം: ജ്യോതിഷവശാൽ 2025 ഫെബ്രുവരി മാസം നിങ്ങൾക്കെങ്ങനെ എന്നറിയാം

മേടം (അശ്വതി, ഭരണി, കാര്‍ത്തിക 1/4)
സ്വജനങ്ങളുടെ നന്മയ്ക്ക് വേണ്ടി പ്രവർത്തിക്കും. വാഹനയോഗം കാണുന്നു അന്യാധീനപ്പെടുന്നു എന്നു കരുതിയ ഭൂമിയോ ധനമോ കൈവശം വന്നു ചേരുന്നതാണ്. കുടുംബത്തിൽ സമൃദ്ധിയും ഐശ്വര്യവും കൂടുതലുണ്ടാകും വസ്തു സംബന്ധമായി ചില അനുകൂല തീരുമാനങ്ങൾ ഉണ്ടാകും. പുതിയ വീട് പണിയുകയോ പുതിക്കി പണിയുകയോ ചെയ്യുന്നതാണ് ‘കോടതി കേസുകളിൽ അനുകൂല വിധി പ്രതീക്ഷിക്കാം

ഇടവം (കാര്‍ത്തിക 3/4, രോഹിണി, മകയിരം 1/2)
ജീവി പങ്കാളിയുടെ നിർദ്ദേശങ്ങൾ അംഗീകരിക്കും. യാത്രാ വേളകൾകരുതലോടെയാവണം .ജീവിത വിജയത്തിനു വേണ്ടി അങ്ങേയറ്റം പ്രവർത്തിക്കും വിവാഹകാര്യത്തിൽ ചെറിയ തടസ്സങ്ങൾ ഉണ്ടാകും ബന്ധുക്കളുമായുള്ള സാമ്പത്തിക ഇടപാടുകൾ പരമാവധി ഒഴിവാക്കണം സുദീർഘമായ ചർച്ചയാൽ അബദ്ധധാരണകൾ ഒഴിഞ്ഞു പോകും

മിഥുനം (മകയിരം 1/2, തിരുവാതിര, പുണര്‍തം 3/4)
മുൻകോപം മൂലം പല അനർത്ഥങ്ങൾക്കും ഇടവരുന്നതാണ് ‘ സുഹൃത് ബന്ധങ്ങളിൽ വിള്ളലുകൾ ഉണ്ടാകും. ബന്ധുജനങ്ങളുടെ ഭാഗത്തു നിന്നും പ്രതീക്ഷിച്ച സഹായം ലഭിക്കുന്നതല്ല. അലസത മൂലം ചെയ്തു തീർക്കേണ്ട പല കാര്യങ്ങളിലും മുടക്കം സംഭവിക്കും. ജീവിത പങ്കാളിയുമായി അഭിപ്രായ വ്യത്യാസത്തിന് സാധ്യതയുണ്ട് ഭക്ഷണ ക്രമീകരണങ്ങളിൽ നിഷ്കർഷ വേണ്ടി വരും

കര്‍ക്കിടകം (പുണര്‍തം 1/4, പൂയം, ആയില്യം)
ദാമ്പത്യ ജീവിതത്തിൽ ചില താളപിഴകൾ ഉണ്ടാകാനിടയുണ്ട്. കുടുംബ പ്രശ്നങ്ങൾ സദാ അലട്ടിക്കൊണ്ടിരിക്കും. ചിലവുകൾ അധികരിക്കും പുതിയ കരാറു ജോലിയിൽ സാമ്പത്തിക നേട്ടം കുറയും പണം കടം കൊടുക്കുക ജാമ്യം നിൽക്കുക സാഹസ പ്രവൃത്തികൾ തുടങ്ങിയവ അരുത്. വിദ്യാർത്ഥികൾ അലസത വെടിയണം ബന്ധുമിത്രാദികൾ മനസ്സിന് ഇഷ്ടപ്പെടാത്ത രീതിയിൽ പ്രവർത്തിക്കും

ചിങ്ങം (മകം, പൂരം, ഉത്രം 1/4)
ആരോഗ്യ ശ്രദ്ധ വേണം ആശയവിനിമയങ്ങളിൽ അപാകതകൾ ഉണ്ടാവാതെ ശ്രദ്ധിക്കണം. അപരിചിതരുമായുള രിചിതരുമായുള്ള ആത്മബന്ധത്തിൽ നിന്നും അബദ്ധങ്ങൾ വന്നു ചേരും ഈശ്വരപ്രാർത്ഥനകളാൽ ആപൽഘട്ടങ്ങൾ തരണം ചെയ്യും സുതാര്യമുള്ള സമീപനത്താൽ അടിസ്ഥാനരഹിതമായ ആരോപണങ്ങളെ അതിജീവിക്കും ദമ്പതികൾ പരസ്പരം വിട്ടുവീഴ്ചകൾ ചെയ്യണം

കന്നി (ഉത്രം 3/4, അത്തം, ചിത്തിര 1/2)
വിശദാംശങ്ങൾ അന്വേഷിച്ചറിയാതെ ഒരു കാര്യത്തിലും ഏർപ്പെടരുത്. വിശ്വാസവഞ്ചനയിൽ അകപ്പെടാതെ സൂക്ഷിക്കണം സാമ്പത്തിക വിഭാഗത്തിൽ കൂടുതൽ ശ്രദ്ധ വേണം. വിട്ടു വീഴ്ചാ മനോഭാവത്താൽ കുടുംബത്തിൽ സ്വസ്ഥതയും സമാധാനവും ഉണ്ടാകും ഉദാസീന മനോഭാവം ഉപേക്ഷിച്ച് ഊർജ്ജസ്വലതയോടു കൂടി പ്രവർത്തിച്ചാൽ തൊഴിൽ മേഖലകളിലുള്ള മാന്ദ്യത്തെ അതിജീവിക്കും

തുലാം (ചിത്തിര 1/2, ചോതി, വിശാഖം 3/4)
ആരോഗ്യ സ്ഥിതി മോശമാകാനിടയുണ്ട്. ആരോഗ്യ ശ്രദ്ധ വേണം. സാമ്പത്തിക ബാധ്യത വരുത്തുന്ന പ്രവർത്തനങ്ങളിൽ നിന്നും പിൻമാറണം. നിസ്സാര പ്രശ്നങ്ങളുടെ പേരിൽ ഉറ്റ സുഹൃത്തുക്കളുമായി അകന്നു കഴിയേണ്ടതായി വരും. ലഭിക്കേണ്ട സഹായത്തിന് കാലതാമസ്സം ഉണ്ടാകും സ്ഥാനമാനങ്ങളും പദവിയും നിലനിർത്താൻ നന്നെ പ്രയാസപ്പെടേണ്ടി വരും. നന്നായി ഈശ്വര പ്രാർത്ഥന ചെയ്യണം

വൃശ്ചികം (വിശാഖം 1/4, അനിഴം, തൃക്കേട്ട)
ദാമ്പത്യ ജീവിതത്തിൽ ഉണ്ടായിരുന്ന താളപിഴകൾ മാറിക്കിട്ടുന്നതാണ്. എന്നാൽ ആലോചന ഇല്ലാതെയുള്ള പ്രവൃത്തികൾ ദോഷം ചെയ്യും. ചിലവുകളിലും ആർഭാടങ്ങളിലും നിയന്ത്രണം വേണം. അവസരങ്ങൾ പരമാവധി പ്രയോജനപ്പെടുത്തണം.ദൂരയാത്രകൾ കരുതലോടെയാവണം പാരമ്പര്യ വ്യവസായങ്ങളോടു താല്പര്യം തോന്നും കർമ്മരംഗത്ത് തടസ്സങ്ങൾ ഉണ്ടാകുമെങ്കിലും അവയെ അതിജീവിക്കാൻ കഴിയുന്നതാണ്

ധനു (മൂലം, പൂരാടം, ഉത്രാടം 1/4)
പരോപകാരം ചെയ്യാനുള്ള മനസ്ഥിതി ഉണ്ടാകുമെങ്കിലും കുടുംബ സംരക്ഷണച്ചുമതല മറക്കരുത്. വിദ്യാർത്ഥികൾക്ക് ഉത്സാഹക്കുറവ് ഉദാസീന മനോഭാവം തുടങ്ങിയ വർദ്ധിക്കും. സാമ്പത്തിക നില തൃപ്തികരമാവില്ല. വിലയുള്ള വസ്തുക്കൾ നഷ്ടപ്പെടാനോ കളവു പോകാനോ സാദ്ധ്യത ഉള്ളതിനാൽ നല്ല ശ്രദ്ധ ആവശ്യമാണ് ആരോഗ്യകരമായി കൂടുതൽ ശ്രദ്ധിക്കണം. എടുത്തു ചാട്ടം വേണ്ട വാക് തർക്കങ്ങളിൽ നിന്നും ഒഴിഞ്ഞു മാറണം.

മകരം (ഉത്രാടം 3/4, തിരുവോണം, അവിട്ടം 1/2)
ആരോഗ്യ നില പൂർണ്ണമായും തൃപ്തികരമായിരിക്കില്ല ആരോഗ്യ ശ്രദ്ധ വേണം. ഔദ്യോഗിക രംഗത്ത് അധികാര പദവിയും ഒപ്പം അദ്ധ്വാന ഭാരവും വർദ്ധിക്കും ആലോചനക്കുറവും അശ്രദ്ധയും നിമിത്തം ദോഷാനുഭവം ഉണ്ടാകും ആത്മ സുഹൃത്തുക്കളിൽ നിന്ന് പ്രതികൂലാനുഭവം ഉണ്ടായേക്കാം. നിസ്സാരമെന്ന് കരുതുന്ന കാര്യങ്ങൾക്ക് അഹോരാത്രം പ്രയത്നം വേണ്ടി വരും. നന്നായി ഈശ്വരപ്രാർത്ഥന ചെയ്യുക

കുംഭം (അവിട്ടം 1/2, ചതയം, പൂരൂരുട്ടാതി 3/4)
മറ്റുള്ളവർ എന്ത് വിചാരിക്കും എന്ന് അനാവശ്യമായി ചിന്തിക്കാതെ സ്വന്തം കഴിവിനും പ്രാപ്തിയ്ക്കുമനുസരിച്ച് പ്രവർത്തിക്കുക. ഗൃഹത്തിൻ്റെ അറ്റകുറ്റ പണികൾക്ക് അധികച്ചെലവ് വേണ്ടി വരും. ദാമ്പത്യ ജീവിതത്തിൽ വിട്ടുവീഴ്ച ചെയ്യണം ഭക്ഷ്യവിഷബാധ ഏൽക്കാതിരിക്കാൻ നന്നായി ശ്രദ്ധിക്കുക. ലഭിക്കുന്ന രേഖകൾ വ്യാജമാണോ എന്ന് സസൂക്ഷ്മം നിരീക്ഷിക്കാതെ ഒന്നിലും ഇടപ്പെടരുത്.

മീനം (പൂരൂരുട്ടാതി1/4, ഉത്രട്ടാതി, രേവതി)
ജീവിത വിജയത്തിനായി അക്ഷീണം പ്രയത്നിക്കും എതിർപ്പുകളെ നയത്തോടെ നേരിടാനായി ശ്രമിക്കും. വിശ്വസിച്ചിരുന്നവരിൽ നിന്ന് വഞ്ചിതരാകാനിടയുണ്ട്. കടബാധ്യതകൾ തീർക്കുന്നതിനു വേണ്ടി പരിശ്രമിക്കും വാഗ്ദാനങ്ങൾ ശ്രദ്ധാപൂർവ്വം നടത്തണം. ഏത് പ്രശ്നങ്ങളിൽ അകപ്പെട്ടാലും പരിഹാര മാർഗ്ഗങ്ങൾ കണ്ടു പിടിച്ച് അതിൽ നിന്നും രക്ഷനേടും ആരോഗ്യ ശ്രദ്ധ വേണം.

ജ്യോതിഷി പ്രഭാസീന സി.പി
ഫോൺ: 9961442256
Email ID: prabhaseenacp@gmail.com